Hoërskool Roodepoort
“ In ons midde skyn die son! ”
Ons Visie
Hoerskool Roodepoort streef daarna om ‘n toonaangewende skool in die gemeenskap en Suid-Afrika te wees deur die optimale opvoedkundige-en ontwikkelingsomgewing te skep waardeur ons leerders tot volle potensiaal kan ontwikkel, Christelik gefundeerd en binne die Afrikaanse kultuur.
Ons Missie
Om deur deelnemende betrokkenheid van die gemeenskap, ouers, personeel en leerders, ons leerders op te voed, te ontwikkel en voor te berei tot gebalanseerde, standvastige, goed toegeruste, hoogsgemotiveerde en lojale jong Christen-Afrikaners wat die vinnig veranderde toekoms met vertroue sal kan hanteer.
Baie geluk aan die klas van 2012 met julle uitsonderlike uitslae! Roodies is baie trots op julle.
MATRIEK UITSLAE 2012
| Aantal Matrieks: | 104 |
| Slaagsyfer: | 96,15% |
| Universiteitstoelating: | 58% |
| Diploma studies: | 37% |
| A - Simbole: | 81 |
| B - Simbole: | 107 |
| C- Simbole: | 160 |
TOPPRESTEERDERS 2012
| 8 ONDERSKEIDINGS: | Janene Veenendal |
| 7 ONDERSKEIDINGS: | Su-Marie van Tonder |
| 6 ONDERSKEIDINGS: | Michelle Beech |
| 5 ONDERSKEIDINGS: | Elizbe Ras |
| 4 ONDERSKEIDINGS: | Bianca Labuschagne |
| 3 ONDERSKEIDINGS: | Velandi Kruger |
| 3 ONDERSKEIDINGS: | Pieter Kriek |
| 3 ONDERSKEIDINGS: | Denique Botha |
Wat Ons Offer
Ons het puik onderwysers in sleutel vakke soos Wiskunde en Fisiese Wetenskap. Daar is selfs ‘n Roodie Akademie waar Roodies hulle vaardighede in hierdie gespesialiseerde studierigtings kan verfyn en uitbrei. Ons het ook ‘n puik musiekdepartment en die skool het nie minder nie as 7 vleuelklaviere. Hoe dan anders as ons die meesteronnie in klavier, mnr. Fanie Janse van Vuuren as departementshoof het? Roodies oorweeg dit ook baie sterk om binnekort (2013) met die aanbied van sekere tegniese rigtings – veral in meganika – te begin.
Roodies het ‘n uiters bekwame bestuurspan met twee puik adjunkhoofde en ervare departementshoofde. Ons onderwysers is ‘n goeie mengsel van jeug en ervaring almal toegewyd in hulle vakgebied is en betrokke is by die ontwikkeling van hulle leerders. Ons kleiner klasse verseker persoonlike aandag en vinnige identifisering van probleme wat gou aangespreek word.
Behalwe vir akademie wat ons hoogste prioriteit is, het Roodies puik kulturele- en sportaktiwiteite om balans daar te stel vir elke leerder wat van hierdie geleenthede wil gebruik maak. Weereens is die einddoel van die sport en kultuur nie wen te alle koste nie, maar deelname met volle oorgawe en uitlewing van jou volle potensiaal in ‘n gees waar waardes bevorder word en lewenslesse geleer word.
Roodies het puik fasaliteite wat genoeg klaskamers en laboratoriums, ‘n reuse moderne skoolsaal asook ‘n kleinteater waar veral kunste bevorder word. Ons skoolgronde het krieket- en hokkievelde, asook netbal-, atletiek- en tennisbane en moenie vergeet van ons twee rugbyvelde nie. Die hoof rugbyveld het dan ook spreiligte wat aandatletiek en rugby verseker. Die LE Wilken Stadion het baie sitplek asook ‘n onthaallokaal en lapa- area wat gereeld vir funksies gebruik word. Ons Krieket Akademie word binnehuis deur privaat afrigters bedryf, maar strek ook tot groot voordeel van die krieketseuns en -dogters op daardie onweersdae en as daar in die aande geoefen word.
Die skool se finansies is kerngesond en daar is pas nog ‘n bussie aangekoop om leerders te vervoer teen mark verwante gesubsidieerde vergoeding op die verskeie roetes wat beskikbaar is.
Hoof
-
-
Roodies se hoof wat in Mei 2011 aangestel is, is mnr. Munnik van der Merwe.
Hy was ‘n Springbok sportman. Sy passie en vakgebied is Fisiese Wetenskap en sy kwalifikasies sluit onder andere ‘n Honneursgraad in Onderwysbestuur, wat Cum Laude verwerf het. Hy is tans met sy Meestergraad in Onderwysleierskap besig. Hy is ‘n voorstander van akademiese uitnemendheid wat glo kinders moet gebalanseerd opgevoed word met sterk Christelike en morele waardes en dat dissipliene en respek die belangrikste is. Hy besef nie almal het dieselfde talente ontvang nie, maar streef daarna om, saam sy personeel, elke leerder, volgens sy/haar individuele vermoëns tot sy/haar volle potensiaal te ontwikkel.
Skoollied
Alma mater van beskawing waar jy oprys uit die rots, As simbool van ons ontwaking, met die stempel van ons trots, Dra ons steeds jou naam in ere, klop ons harte immer trou. Ook in ver en ruimer sfere klink ons roep: "Waak en Bou."
Welkom elke kleine makker, in ons midde skyn die son. En die bloeisels op ons akker, is ons volk se lewensbron. Laat ons saam dra aan ons leuse, laat ons hoop bly op die Heer. Sonum, Bonum van ons lewe, soos die vaad're van weleer.
Nuusbrief
SAALOPENING: 9 JANUARIE 2013
Leerders word daaraan herinner dat daar die dag as die skool heropen, ‘n saalopening sal wees. Alle leerders
(behalwe die nuwe graad 8-leerders) is dus ...
Om aan te teken aan ons nuusbrief, tik jou EPos hieronder en druk Enter.